====××====
အယင်ခေတ်
အယင်အခါက
ဟေဝံမြိုင်တန်း
ပင်ယံနန်းမာ
ဂုဏ်ရောင်ရှိန်တောက်
ဖြူ ဖွေးပေါက်လို့
ခန့်ညားတင့်တယ်
တော်ဝင်ခရေ ပန်းသဇင် ။
အဂုခေတ်
အဂုအချိန်ခါကား
တပါးသူ့အိမ်
အိမ်ရိပ်မှီလို့
နိန်ရောင်တခြမ်း
လီတဖြန်းနန့်
ဂုဏ်ရောင်မထွန်း
မလန်းဆန်းနိုင်
ညှိုးနွမ်းနီရေ ပန်းသဇင် ။
အော်....ပန်းသဇင်
ကိုယ့်မျိုးကိုယ့်နွယ်
တောမြိုင်မြေက
ပန်းပေါင်းထောင်းသောင်း
ပန်းအပေါင်းရို့
တမ်းတတလီ
မျှော်လင့်နီရေ
ဟေဝံမြိုင်တန်း
ပင်ယံနန်းကို
ပြန်လတ်ပါလော ပန်းသဇင် ။
အော်.....ပန်းသဇင်
မြို့ ကြီးကိုရောက်
ဂုဏ်ရှိန်တောက်ဖို့
များလူတကာ
ချီးမွန်းပါလဲ့
သင်ဧ့ဂုဏ်ရောင်
မတောက်ပြောင်ပါ
မွေးရပ်ဌာနယ်
ဟေဝံမြေကို
မမှီပါနှမ်း ပန်းသဇင် ။
ခိုင်ကြယ်လင်း(ထွန်းလင်းနိုင်)
No comments:
Post a Comment